17:24, 25 Сәуір 2026 | GMT +5
Көлсайда автокөлік жардан құлап кетті
ҚОНАЕВ. KAZINFORM – Алматы облысында автокөлік жардан құлап кетті.
Көлсай көлінде автотұрақта тұрған автокөлік жардан төмен қарай құлап кетті. Оқиғаның бейнежазбасы әлеуметтік желіде жарияланды.
Облыстық полиция департаментінің мәліметінше, оқиға 25 сәуірінде Көлсайдың таулы аймағында болған.
– Алдын ала мәліметтер бойынша, көлік құралы тұрақ аймағынан төменге қарай өздігінен домалап кеткен. Оқиға салдарынан зардап шеккендер жоқ. Көлік иесі полицияға арызданудан бас тартты, ешкімге ешқандай талап-арызы жоқ, - деп хабарлады департаменттен.
Еске салайық, бұған дейін Алматыда дрифт жасаған жүргізуші 5 күнге қамалғанын жазғанбыз.
