10:02, 20 Мамыр 2025 | GMT +5
Көлсайда ілбіс фототұзаққа түсіп қалды
АЛМАТЫ. KAZINFORM – Алматы облысында ілбіс (қар барысы) фототұзаққа түсіп қалды.
«Көлсай көлдері» мемлекеттік ұлттық табиғи паркі аумағында жабайы жануарларды бақылау мақсатында орнатылған бейнетұзақтардың біріне ҚР Қызыл кітабына енгізілген қар барысы тағы да байқалды.
– Бұл сирек кездесетін бейнежазба — қар барысының ұлттық парк аумағында әлі де мекендейтінін дәлелдейді және табиғи ортаның тұрақтылығын көрсетеді. Жабайы жануарларды бақылау жұмыстары жалғасып жатыр, – деп хабарлады «Көлсай көлдері» мемлекеттік ұлттық табиғи паркінен.
Еске салайық, аталған жыртқыштар былтыр қазан айында да бой көрсеткен болатын.
Айта кетейік,Қазақстан аумағында тіршілік ететін ілбістердің саны жылына 5-6 басқа көбейіп келеді.
