Қонақ үйдегі жөндеу жұмыстары барысында XVII ғасырда салынған картина табылды

АСТАНА. 26 қаңтар. ҚазАқпарат - Париждегі Ritz қонақ үйіндегі жөндеу жұмыстары барысында француздық суретші Шарль Лебреннің ертеде салынған картинасы табылды.

Бұл туралы Christie's бәссауда үйінің өкілдері мәлім етті.

Мамандардың сараптамасынан кейін аталған туындыда қазіргі заманғы бояулардың белгілері мүлдем табылмаған. Бұл картина король Людовик XIV сарайында Лебрен ресми суретші атанбай тұрып ертеректе салынған екен. Айта кетейік, ол XVII ғасырда француздық өнердің атақты өкілдерінің бірі болатын.