Конференция лигасында «Ақтөбе» «Торпедо Кутаиси» командасын ірі есеппен жеңді

АСТАНА. ҚазАқпарат - Бүгін қазақстандық «Ақтөбе» UEFA Конференция лигасы екінші іріктеу сатысындағы алғашқы ойынын өткізді, деп хабарлайды ҚазАқпарат тілшісі.

Ақтөбелік клуб бұл жолы сырт алаңда Грузияның «Торпедо Кутаиси» командасымен кездесті.

Кездесу барысында қазақстандық клуб сенімді ойын көрсетті. Нәтижесінде 34-минутта «Ақтөбе» сапынан Әлібек Қасым пенальтиден мүлт кеткен жоқ. Ал 43-минутта Милош Раичкович есепті үстемелесе. 73-минутта Максим Самородов басымдықты арттырды.

Ал «Торпедо Кутаиси» сапынан Георгий Арабидзе 89-минутта есеп айырмасын қысқартса, 93-минутта «Ақтөбе» сапынан Андрия Филиппович мергендік танытты.

Осылайша «Ақтөбе» қарсыласынан 4:1 есебімен басым түсті.

Посмотреть эту публикацию в Instagram

Публикация от FC AKTOBE | ФК АКТОБЕ (@fcaktobe_official)

Қарымта ойын 3 тамызда болады.

«Ақтөбе» жарыстың үшінші сатысына өткен жағдайда ЦСКА София (Болгария) және «Сепси» (Румыния) жұбының жеңімпазымен кездеседі.

Дәл қазір «Базель» (Швейцария) мен «Тобыл» кездесуі өтіп жатыр. Ойынның 75-минутынан кейін қостанайлық клуб 3:1 есебімен жеңіп жатыр.

Еске салсақ, бұдан бұрын Конференция лигасында «Ордабасы» мен «Легия» тең түскен еді.