Конференция лигасы: «Астана» Чехияның «Виктория Пльзень» командасынан жеңіліп қалды

Петропавл
Фото: Kazinform

Бүгін «Астана» футбол клубы Конференция лигасының топтық кезеңінде алтыншы ойынын өткізіп, Чехияның «Виктория Пльзень» командасымен кездесті, деп хабарлайды Kazinform.

Қазақстандық команда сырт алаңда өткен ойында қарсылас ұжымға 0:3 есебімен жеңіліп қалды.

Кездесу барысында франциялық Вилли Делажо бас төреші болды. Оған отандастары Эрван Финжан мен Филипп Жанн көмекшілік жасады.

Бірінші кезеңде қарсыластар бір-бірінің қақпасынан саңылау таба алған жоқ.

Екінші кезеңде чехиялық клубтан Адам Влканова 58, Джон Москера 68, 82-минутта мергендік танытып, қорытынды есепті белгіледі.

«Астана» топтық кезеңде екі мәрте «Виктория Пльзеньге» (0:3, 1:2), хорватиялық «Динамо Загребке» (0:2, 1:5) жеңілді.

Ал косоволық «Балканиді» сырт алаңда 2:1 есебімен тізе бүктірсе, өз алаңында 0:0 есебіне қанағат білдірді.

Бұл топта «Виктория Пльзень» - 18, «Динамо Загреб» - 9 ұпай жинап, жарыстың плей-офф сатысына жолдама алды.

Ал «Балкани» мен «Астана» небәрі төрт ұпайды қанағат тұтты.

Соңғы жаңалықтар
telegram