16:20, 12 Қыркүйек 2024 | GMT +5
Көшпенділер ойындары: Теңге ілуден 31 спортшы жүлдеге таласып жатыр
АСТАНА. KAZINFORM – Бүгін теңге ілуден жарыс күні басталды. 13 мемлекеттен келген 31 спортшы өзара жүлдені сарапқа салады.
Әзірге «Бес белес» атты алғашқы кезеңнің нәтижесі бойынша қазақстандық Бекнұр Серіков топ бастап тұр.
Екінші орынға моңғол спортшысы Айболат Ұнатқан жайғасса, үздік үштікті қырғыз Әділбек Кенжебекулы түйіндеп отыр.
Қазір спортшылар қос құлаш бойынша бақтарын сынап жатыр. Кейін теңге ілудің жеті құт түрінен сайысқа түседі.
Еске сала кетейік, көкпардан ақтық сында Қырғызстан көкпар командасымен сайысқа түскен қазақстандық шабандоздар 5:4 есебімен жеңіске жетіп, Дүниежүзілік көшпенділер ойындарының алтын жүлдесін қанжығалағанын жазған болатынбыз.
