Көшпенділер ойыны: Серік Ақтаев овариден көш бастады
АСТАНА. KAZINFORM — V Дүниежүзілік көшпенділер ойындары аясында өтіп жатқан Батыс Африка халықтарының зияткерлік ойыны овариден жарыстың екінші кезеңі басталды.
Қазақстан құрамасы сапында Серік Ақтаев, Ернұр Мерешев, Әсел Далиева және Аңсаған Қожанәсіп ел намысын қорғап жатыр.
Кеше өткен 4 раунд қортындысы бойынша отандасымыз Серік Ақтаев 4 ұпаймен алдыңғы қатардан көрінді, ал Ернұр Мерешевтің еншісінде 3 ұпай бар.
Сондай-ақ, ганалық ойыншы Гордон Акругу мен Айируг Азасеми, нигериялық Джонсон Арамид Адеойе 4 ұпай еншілеген.
Айта кетейік, овари ойынында 35 елден 90 спортшы бағын сынап жатыр.
Команда құрамы 2 ер, 2 әйел, 1 бапкерден құралады.
Бұған дейін хабарлағанымыздай, бұл жарысты дүниежүзілік тоғызқұмалақ федерациясы овари халықаралық федерациясымен бірлесіп өткізіп жатыр.
