Қостанай ардагерлері өз ғимаратына ие болды

КОСТАНАЙ. 24 желтоқсан. ҚазАқпарат /Петр Плахотников/ - Қостанай қаласында Ардагерлер үйі ашылды.

Қостанайдың дәл ортасында, ескі екі қабатты оңаша үйде енді қала мен облыстың ардагерлер ұйымдары орналасқан. Қостанай облыстық ардагерлер кеңесінің төрағасы Кенжебек Укин атап өткендей, бұл оңаша үйді алу құқығы облыс әкімі Сергей Кулагиннің өкімінің арқасында мүмкін болды. «Өйткені еліміздегі ардагерлер ұйымының бәрі бірдей өз бөлмесіне ие болып отырған жоқ», - атап өтті К.Укин.

Ардагерлер үйінде кітапхана ашу, қалайтын адамдарға компьютерлерді пайдалану, телебағдарламаларды ұжымдық көруді ұйымдастыруға мүмкіндік жасалады. Сондай-ақ бұл жерде барлық салтанатты шаралар өткізілетін болады. Бұған дейін ардагерлер оларды еріксіз бөтен жерлерде өткізіп келген болатын.