Қостанай облысында дизель отыны құйылған резервуар өртенді

АСТАНА. KAZINFORM – Қостанай облысының Үспеновка ауылында орналасқан кәсіпорын аумағында өрт шықты.

Алдын ала мәлімет бойынша, ЖШС-нің ашық алаңында автоцистернадан жерүсті резервуарға дизель отынын айдау кезінде өрт тұтанған.

Өрт сөндіру бөлімшелері келген уақытта жалын автоцистерна мен резервуарды толық шарпыған.

Өрт сөндірушілердің кәсіби іс-әрекеттері мен ауа-механикалық көбікті тиімді қолдануының арқасында өрт толық сөндірілді.

Қазіргі уақытта оқиғаның шығу себебі анықталуда.

Айта кетейік, ШҚО-да өрт сөндіру бөлімінің жүргізушісі 2 баланы құтқарып қалды.