Қостанай облысында елуден астам қасқырды атуға рұқсат берілді
ҚОСТАНАЙ. KAZINFORM — Түз тағысын атуға үй жануарларына шабуыл жасалған жағдайда ғана рұқсат етіледі. Жануарларды ұстау шегі 53 бас болып бекітілді.
Биологиялық негіздемеге сәйкес, жануарлар санын реттеу мерзімі 2024 жылдың 31 желтоқсанына дейін белгіленген.
— Қостанай облысы бойынша 53 қасқырды жоюға рұқсат етілді. Айта кететін жайт, Қостанай облысында қасқыр санын реттеуге шектеу қойылған, қаңғыбас қасқырлар елдімекендер аумағына өтіп кеткен жағдайда ғана оларды атуға рұқсат етіледі, — деді жануарлар әлемі және аңшылық шаруашылығы бөлімінің бас маманы Рустам Бидибаев.
Жануарды ату лицензиясын ҚР электронды лицензиялау веб-порталы — elicense.kz-тен алуға болады.
