Қостанай облысында лифт ішінде қалып қойған балалар құтқарылды

АСТАНА. KAZINFORM — Қостанай облысы Рудный қаласында лифт ішінде 2012 және 2016 жылғы балалар қамалып қалған. 

Оқиға орнына ТЖМ құтқарушылары барған. Аспалы құралдардың көмегімен құтқарушылар лифт есігін ашып, балаларды құтқарды. 

Олар медициналық көмекке мұқтаж болған жоқ.

ТЖМ лифтте тұрып қалсаңыз келесі ережелерді еске салады: 

өзіңіз алаңдамаңыз және көршілеріңізді тыныштандырыңыз;

диспетчерге хабарласыңыз;

барлық түймені қатарынан баспаңыз;

лифт есіктерін өзіңіз ашуға тырыспаңыз;

барлық сыртқы байланыс арнасын пайдаланыңыз. 

Айта кетелік Қызылордада лифт ішінде қалып қойған адамдар құтқарылған еді.