Қостанай облысының әкімі Мемлекет басшысының барлық тапсырмаларын орындап отыр - К.Мәсімов

ОСТАНАЙ ОБЛЫСЫ. Шілденің 9-ы. ҚазАқпарат /Қанат Құлшыманов/ - Қостанай облысының әкімі Сергей Кулагин Мемлекет басшысының барлық тапсырмаларын ойдағыдай орындап отыр. Бұл туралы ҚР Премьер-Министрі Кәрім Мәсімов Арқалық қаласында өткен брифингіде айтты.

Мемлекет басшысы Қостанай облысының жақсы дамып отырғанын атап өтті. «Жаңа жұмыс орындары, нысандар ашылуда, жеделдете индустрияландыру бағдарламасы ойдағыдай орындалуда, денсаулық сақтау және білім беру мәселелері шешілуде, - деді К.Мәсімов. - Мен бұған қуаныштымын және С.Кулагинге алғыс айтамын».