Қостанайда қаңтар айында температура рекорды жаңарды

АСТАНА. KAZINFORM — Солтүстік Атлантика циклоны әсерінен қаңтарда ауа температурасы нөлден жоғары болды, деп хабарлайды Kazinform меншікті тілшісі.

«Қазгидромет» РМК Қостанай филиалының синоптигі Антонина Шибаршина биыл қаңтардың басы Қостанайдағы абсолютті максималды температура бойынша 1982 жылғы рекордты жаңартқанын баяндады. 

— Қалыптан тыс жылы ауа массалары батыстан келіп, сол бөлігіне әсер етті. Қаңтар айының алғашқы бес күндігі Қостанай үшін рекордты жаңартты: мысалы, 3 қаңтарда бізде ауа температурасы 3,4 градус Цельсий жылуды көрсетті, ал бұрынғы көрсеткіштер 1982 жылы 3,2 градус болып тіркелген, — деді Антонина Шибаршина.

Бақылау жүргізудің барлық жылдарында 2025 жылдың қаңтар айының басы ең жылы болды.

— Бұл маусымда қаңтар айы негізінен тұрақсыз болады. Жауын-шашын мол түсіп, «температураның ауытқуы» болжанып отыр. Температураның 7-10 қаңтарда төмендей түседі: суық фронт өтіп, термометр бағаналары төмендейді. Түнде шамамен -17-22°C, күндіз -10-15°C болады, — деді синоптик.

Қостанайда қаңтардың орташа айлық температурасы -14,9°С, соңғы бес күнде бұл көрсеткіш 2,8°С нөлден төмен болды.

2007 жылы қаңтар айы да жылы болды, ол кезде орташа айлық температура 6 градустан сәл жоғары болды.

Еске салсақ, бұған дейін Жер шарының басым бөлігінде ауа температурасы 3 градус Цельсийге көтерілетінін хабарлағанбыз.