Қостанайда валюта айырбастау пунктінен 392 мың доллар ұрлаған күдікті ұсталды
АСТАНА. ҚазАқпарат - Қостанайда валюта айырбастау пунктінен 392 мың доллар ұрлаған күдікті ұсталды. Бұл туралы бүгін ҚР Ішкі істер министрлігінің ресми өкілі Алмас Садубаев айтты, деп хабарлайды ҚазАқпарат тілшісі.
«Қостанайда валюта айырбастау пунктінен 392 мың АҚШ долларын ұрлап кеткен қала тұрғынын ұстады. Ұсталған күдіктінің пәтерін тінту барысында «АК-103» автоматы мен оның оқтары табылып тәркіленді», - деді Алмас Садубаев.
Мұнан бөлек, Алматы облысының Жамбыл ауданында Түркістан облысының тұрғыны ұсталды. Оны Алматы қалалық ІІД Экстремизм күрес және криминалдық полиция басқармасының қызметкерлері қаладағы ЖШС-лердің бірінен 8 млн теңгеге жуық қаражатты ұрлап кеткені үшін тұтқынға алған.
