Қостанайлықтар бір жылда екі рет баспанасынан айырылды: біреуі өртенсе, екіншісін су басты
ҚОСТАНАЙ. KAZINFORM – Жақында Қостанай облысының тұрғыны Әдина Ержанованың үйінде өрт болды. Үй біртіндеп қалпына келтірілді, бірақ содан кейін оны еріген қардың суы басып қалды. Қазір бұл үй іс жүзінде жөндеуге келмейді.
Ержановтар отбасы «Весна» бау-бақша серіктестігінде 2019 жылдан бері тұрып келеді. Су тасқыны үйге келген жалғыз апат емес: отбасы бұған дейін өрттен аман қалды. Барлығын бірнеше жыл бойы өз күшімен біртіндеп қалпына келтірді. Өкінішке қарай, 2024 жылдың көктемінде отбасыға тағы бір ауыр жағдайды бастан өткерді.
«5 сәуірде Қостанай пабликтерінің бірінен біздің аудандарда су тасқыны болады деген ескертуді көрдім. Сол күні қаладан 250 шақырым жердегі Жітіқараға ата-анамызға қонақта болдық. Түстен кейін бірден үйге жол тарттық. Үйімізге кешке ғана келдік, бірден заттарды (киім) жинай бастадық. Сол күні пәтер жалдап, келесі күні мүлікті тасымалдау үшін қайта оралдық. 6 сәуір күні түстен кейін ауыр жүкті тасымалдау үшін үлкенірек көлік жалдадық, бірақ біз оған ештеңе тией алмадық – аумаққа су тез келді. Күйеуім үйдегі заттарды жоғары көтеру үшін қайта кірді», – дейді Әдина.
Отбасында 4 адам, оның ішінде екі бала бар. Ол «Весна» бау-бақша серіктестігі жай ғана саяжай емес, мұнда адамдар тұрақты тұратынын, кейбір көшелерге газ тартылып қойғанын айтты.
«Биыл газ тартамыз деп едік: барлық құжат дайындалды. Газдың қосылатынын күттік, бірақ қазір үй жоқ», - дейді әйел.
Эвакуация және су тасқынына қарсы іс-шараларға келетін болсақ, отбасы заттарын шығару кезінде ешқандай қозғалысты байқамаған.
«6 сәуірде біздің жақта эвакуация болған жоқ, біз оқиға орнында болдық және ешкімді көрмедік. Каланың КЖБИ көпірінде жұмыс жүргізілген жоқ. Мұз сеңдері жолындағының бәрін қиратып, біздің учаскелер арқылы тікелей қозғалды. Олар тек орталық көпірде жұмыс істеп, барлық репортаж тек сол жерден түсірілген», - дейді әйел.
Өкінішке қарай, табиғи апат салдарынан 100-ден астам шаршы үй-жай су астында қалды. Апат аумағына тек бір аптадан кейін кіріп, шығынды бағалай алдық.
«Көпір жабылғандықтан, үйге 14 сәуірде ғана кіре алдық. Шығын көп болды: үйде жатын бөлмесінің жиынтығы, диван, үлкен кондиционер, ас үй жиынтығы, электр плитасы, тоңазытқыш, балалар жатын бөлмесінің жиынтығы, құрылыс материалдары, кір жуғыш машина қалды. Біздің көлігіміз де су астында қалды. Үй қазір жөндеуге келмейді, екі қабырғасы құлаған. Ішкі қабырғалардың бәрі қисайды. Үй қалпына келтіруге және тұруға жарамайды», - деп түсіндірді А.Ержанова.
Ерлі-зайыптылар біржолғы әлеуметтік төлем және келтірілген шығын өтелу үшін жергілікті әкімдікке өтініш беріп үлгерген. Өкінішке қарай, олар суды өздері тартып шығаруға мәжбүр болды. ол үшін отбасы өз қаражатына техниканы, суды сорғылау үшін мотопомпаны және суды тезірек ағызуға көмектесетін тракторларды өз қаражатына жалдауға мәжбүр болды. Өйткені үйдегі су әлі де тізеден келетін.
«Үйімізді қалпына келтірудің мәні жоқ. Шығындарымызды, жоғалтқанымыздың барлығын мемлекет өтейді деп сенеміз. Осының негізінде біз болашақ өмірімізді құратын боламыз», - деп атап өтті әйел.
Қостанай облысының әкімдігі қазір құжаттар қабылданып жатқанын түсіндірді. Жұмыс механизмі енді ғана қарастырылып жатыр. Қостанай облысының әкімі Берік Таңжарықов зардап шеккен тұрғындармен кездесуінде жұмыстың жүріп жатқанын айта келіп, барлығын сабырға шақырып, ең алдымен баспанасыз қалған және шұғыл мұқтаж жандарға көңіл бөлуді сұрады.
