Қожалықтың қоймасы отқа оранды - Қызылорда

ҚЫЗЫЛОРДА. Маусымның 30-ы. ҚазАқпарат /Руслан Игілік/ - Қызылорда қаласындағы «Пірма­ханов» жеке қожалығының қоймасында электрмен дәнекерлеу жұмыстары кезінде өрт оқиғасы орын алды.

Өрттен келген шығын 150 мың теңгені құрайды.

Облыстық төтенше жағдайлар департаменті анықтау бөлімі бастығының уақытша міндетін атқарушы, өртке қарсы қызмет капитаны Асхат Оразбековтің хабарлағанындай, облыс бойынша апта көлемінде 9 өрт оқиғасы тіркелді. Маман­дардың анықтауынша, өрт электр желісінің қыс­қа­ша тұйықталуы, шылым шегудегі салақтық, балалардың отпен ойнауы, ашық отты пайда­ланудағы оралымсыздықтан туындаған.