ҚР Білім және ғылым министрі Бақытжан Жұмағұлов қазақстандық спортшыларды қолдау үшін Қазанға келді

АСТАНА. 7 шілде. ҚазАқпарат - Қазанда «Қазан Арена» жаңа әмбебап футбол алаңында Бүкіләлемдік XXVII жазғы Универсиаданың алауы жағылды.

Оған әлемнің 162 елінен 12 мыңнан аса спортшы қатысуда, деп хабарлайды sports.kz

Салтанатты іс-шараның алдында еліміздің атлеттері өздерін қолдау үшін Қазанға арнайы келген ҚР Білім және ғылым министрі Бақытжан Жұмағұловпен кездесті. Ол спортшылардың жататын орнын, асханаларын аралап, жас өрендермен әңгімелесіп, оларға жеңіс тіледі.

Бүкіләлемдік XXVII жазғы Универсиада 2013 Қазанда 17 шілдеге дейін жалғаспақ. Бұл уақытта 351 медаль жиынтығы сарапқа салынады. Универсиаданың спорт бағдарламасына спорттың 27 түрі еніп отыр.