07:39, 11 Мамыр 2012 | GMT +5
ҚР Елшісі Н. Ермекбаев ҚХР СІМ-нің басшысы Ян Цзечимен кездесті
БЕЙЖІҢ. 11 мамыр. ҚазАқпарат - Бейжіңде ҚХР-ғы Төтенше және Өкілетті елші Нұрлан Ермекбаев 10 мамырда осы елдің сыртқы істер министрі Ян Цзечимен кездесті.

Кездесу барысында Елбасы Нұрсұлтан Назарбаевтың алдағы уақыттағы ҚХР-ға ресми сапары жайы талқыланды.
Ян Цзечи жоғары және мәртебелі деңгейдегі шаралар туралы айта келе, қытай тарапы ҚР Президенті Н. Назарбаевтың маусым айында болатын ресми сапарына және Бейжіңде өтетін ШЫҰ-ға мүше-елдер басшылары Кеңесінің кезекті отырысына қатысуына, сондай-ақ ағымдағы жылдың 10-11 мамыры аралығындағы ҚР сыртқы істер министрі Е. Қазыхановтың сапарына үлкен маңыз беретіндігін атап өтті.