ҚР Президенті ШЫҰ-ның халықаралық терроризмге қарсы бірлескен іс-қимылы туралы мәлімдеме қабылдауды ұсынды
мүше мемлекеттер басшылары кеңесінің кеңейтілген құрамдағы отырысында ҚР Президенті Нұрсұлтан Назарбаев мәлім етті.
«Жаңа шынайылық өңірлік, сонымен қатар жаһандық ауқымдағы халықаралық қауіпсіздікті нығайтудағы біздің ұйымның тиімділігін арттыруды талап етеді»,- деді Н.Назарбаев.
Осы ретте Елбасы бұл сын қатерлерге ШЫҰ-ның дәлме-дәл жауабы 2016-2018 жылдарға арналған «зұлымдықтың үш күшімен» күрестегі ынтымақтастық бағдарламасын тиімді жүзеге асыру бола алатындығын баса айтты.
«Біз Халықаралық терроризмге қарсы бірлескен іс-қимыл туралы ШЫҰ мәлімдемесін әзірлеп, қабылдауды ұсынамыз. Экстремизммен күрес бойынша ШЫҰ конвенциясын әзірлеп, қабылдау өзекті қадам көрінеді. Діни экстремизм бейбітшілік сүйгіш исламмен және басқа да діндермен теңестірілмеуі маңызды», - деді Елбасы.
Мемлекет басшысы ағымдағы жылдың мамырында Қазақстан Нью-Йоркте БҰҰ қамқорлығымен «Дін бейбітшілік үшін» атты жоғары деңгейдегі диалогқа бастамашылық жасап, Астанада «Діни терроризмге қарсы» деп аталатын халықаралық конференция өткізгендігін еске салып өтті. Сонымен бірге, Қазақстан 2017-2020 жылдарға арналған ШЫҰ-ға мүше мемлекеттердің есірткіге қарсы стратегиясын және оның іс-қимыл бағдарламасын қабылдауды жақтайтындығын баса айтты.
«ШЫҰ мен Ортаазиялық өңірлік ақпараттық үйлестіру орталығының «Бірге есірткіге қарсы» бірлескен алдын алу акциясын өткізуді ұсынамыз», - деді ҚР Президенті.