ҚР Президенті жас теннисшілермен кездесті
Елбасы халық арасында үлкен теннисті танымал етуге бағытталған спорт кешенінің қызметімен танысты. Спорттық нысан 2015 жылы салынған, 788 миллион теңге жұмсалып, құрылыс жұмыстары 4 жыл жүрді. Ғимарат ішінде 3 корт, сыртта тағы сондай 3 теннис алаңы бар. Орталық 20 адамды жұмыспен қамтып отыр.
Жас теннисшілер Президент алдында жетістіктерін жарыса жеткізді. Елбасы да балаларға үлкен тенниспен айналысқанын айтты.
«Теннис - менің сүйікті спортым. Кезінде мен де ойнағанмын. Тек білімі мен денсаулығы бар адам ғана жеңіске жетеді деп үнемі айтып жүремін. Жастар спортпен белсене айналысуы керек. Сендер де достарыңды спортпен шұғылдануға шақырыңдар!», - деді Елбасы.
Нұрсұлтан Әбішұлы өз сөзінде халықаралық дәрежеде ойнап жүрген қазақстандықтар туралы айтты. Сондай-ақ, үлкен теннистен Қостанай құрамасының бапкеріне тапсырмалар жүктеді.
Еске салсақ, Елбасы бұған дейін ауыл шаруашылығы тауар өндірушілерімен кездесіп, оларға астық сұрыптауда тың теxнологияларды пайдалану қажеттігін айтқан болатын.
