ҚР СІМ басшысы Ташкентте келіссөздер өткізеді

ТАШКЕНТ. 27 наурыз. ҚазАқпарат - Кеше ҚР сыртқы істер министрі Ерлан Ыдырысов Өзбекстан астанасына сапармен келді.

Сәрсенбі, 27 наурызда күннің бірінші жартысына Е.Ыдырысовтың ӨР сыртқы істер министрі Абдулазиз Камиловпен шағын және кеңейтілген құрамда келіссөздері жоспарланған. Сонымен қатар Қазақстанның СІМ басшысын Өзбекстан Президенті Ислам Каримов қабылдайды деп күтілуде.

Өзбекстанның сыртқы саяси ведомствосынан хабарлағандай, келіссөздерде 2012 жылдың қыркүйек айында мемлекет басшылары деңгейіндегі кездесуде қол жеткізілген уағдаластықтарды жүзеге асыру, сондай-ақ халықаралық және аймақтық сипаттағы мәселелер талқыланады.