ҚР ТЖМ ескертеді: қар көшкіні жүруі мүмкін

АСТАНА. Ақпанның 20-ы. ҚазАқпарат – Қазақстан гидрометеорологиялық мониторинг орталығының мәліметтері бойынша, күн жылына бастағанда ылғалдың түсуіне байланысты Оңтүстік Қазақстан облысының таулы аудандарында, сондай-ақ қар қабаттарының жіби бастауы мен ылғал түсуінің ықтималдығына байланысты

Алматы және Шығыс Қазақстан облыстарының таулы аудандарында осы жылғы ақпанның 20-мен 23-і аралығында қар көшкіні жүруі мүмкін, деп хабарлайды ҚазАқпарат ҚР Төтенше жағдайлар министрлігіне сілтеме жасап.Қалыптасып отырған жағдайға байланысты, қар көшкінін болдырмау үшін, қары қалың қауіпті аймаққа шығуға тыйым салынады.