ҚР Ұлттык кітапханасы мен М.Ахундов атындағы Әзірбайжан ұлттық кітапханасы арасында ынтымақтастық туралы келісім жасалды

АЛМАТЫ. 8 қараша. ҚазАқпарат - Бүгін Алматыда ҚР Ұлттык кітапханасында М.Ахундов атындағы Әзірбайжан ұлттық кітапханасының директоры Керим Магомедоглы Тахировпен кездесу өтті. Бұл шара кезінде екі елдің бас кітапханалары ынтымақтастық туралы келісімшартқа қол қойылды.

Мақсат - кітапхана ісі, ғылым, мәдениет, білім беру және Қазақстан мен Әзірбайжан арасында біртұтас ақпараттық кеңістік құру мүддесіне ұлттық кітапханалар әлеуетін барынша пайдалану. Ол екі мемлекеттің кітапхана кеңістігін нығайтуға және дамытуға бағытталған халықаралық қарым-қатынас шеңберінде кәсіби іс-шараларды, бірлескен жобаларды ұйымдастыруды, ғылыми зерттеулер жүргізуді қарастырады.