Креативті индустрияға жататын қызмет түрлері бекітілді

АСТАНА. KAZINFORM – Мәдениет және ақпарат министрінің бұйрығымен креативті индустрияға жататын экономикалық қызмет түрлерінің тізбесі бекітілді.

Құжатқа сәйкес, тізбеге келесі бағыттар бойынша қызметтің 43 түрі қосылған:

- конференциялар мен сауда көрмелерін ұйымдастыру;

- зергерлік іс;

- кино және анимация;

- кітапханалар, музейлер;

- мәдениет-бос уақыт өткізу мекемелері, мәдени мұра;

- музыка;

- сәулет және сән;

- ТВ, фотография;

- халық кәсіпшілігі;

- IT және геймдевелопмент.

Бұған дейін Президент Қасым-Жомарт Тоқаев ТМД аясында Креативті индустрия қауымдастығын құру бастамасын көтерген еді.

Қасым-Жомарт Тоқаев мәдени-гуманитарлық қатынастар елдерімізді біріктіретін негізгі фактор екеніне назар аударды.