Күкірт қышқылы зауыты жұмысшыларының жалақысы өседі

ҚЫЗЫЛОРДА. ҚазАқпарат - Сәуір айынан бастап Жаңақорған ауданындағы «СКЗ-U» күкірт қышқылы зауыты жұмысшыларының жалақысы 10 пайызға көтеріледі.

Бұл туралы таяуда Республикалық ақпараттық-насихаттық топ мүшелерінің осы өндіріс ошағында жұмысшылармен өткен кездесуі барысында зауыт басшылығы мәлім етті.

Елбасының биылғы Жолдауында айтылған басым бағыттарды түсіндірген АНТ-жетекшісі, ҚР Экономика және бюджеттік жоспарлау министрлігі, инвестициялық саясат департаментінің директоры Қ.Тұмабаев, «өндіріс ошақтары ел әлеуетінің қарқынды дамуына өз үлестерін қосуы керек», деген болатын жүздесу барысында.