Құламбаева Үндістандағы турнирдің жартылай финалына жолдама алды

АСТАНА. KAZINFORM — Жібек Құламбаева теннистен Солапур қаласында (Үндістан) өтіп жатқан турнирдің ширек финалында жеңіске жетті. 

Ұлттық олимпиадалық комитеттің мәліметінше, отандасымыз жартылай финалға шығу үшін латвиялық Диана Марцинкевичпен шеберлік байқасты.  

Тартысқа толы кездесуде Құламбаева 6:0, 6:4 есебімен сенімді түрде жеңіске жетті. 

Енді Жібек 1/2 финалдық бәсеке барысына Буньвяви Тамчайватқа қарсы тұрады. 

Еске сала кетейік, бұған дейін қазақстандық қос теннисшінің Аустралия чемпионатында бақ сынайтынын жазған болатынбыз.