Курчатов қаласында 2010 жылдың басында оралмандарға арналған алғашқы үй пайдалануға беріледі

деп хабарлайды «Ертіс» әлеуметтік-кәсіпкерлік корпорациясы» Ұлттық компаниясы» акционерлік қоғамының баспасөз қызметінен.
Төрт үйді қайта жаңарту жөніндегі жобаны «Ертіс» әлеуметтік-кәсіпкерлік корпорациясы «Нұрлы көш» мемлекеттік бағдарламасының аясында жүзеге асыруда.
Курчатов қаласына оралмандарды қоныстандыру бағдарламасын орындаушы бас мердігер - «Облдоркомхоз» ЖШС. Жөнделіп жатқан нысандарда 290 адам жұмыспен қамтылып отыр.
Жобаның жалпы құны 768,3 миллион теңгені құрайды. Ол үйлердегі баспананың 1 шаршы метрінің бағасы - 40 мың теңге шамасында. Шығыс Қазақстан облысы әкімдігінің тұрғын үй комиссиясының тізімі бойынша, бүгінгі таңда «Нұрлы көш» бағдарламасына қатысушылардың саны 54 отбасын құрайды.