Күрестен Азия чемпионатында ел намысын қорғайтын қыздар белгілі болды

НҰР-СҰЛТАН. ҚазАқпарат - Әйелдер күресінен Қазақстан ұлттық құрама командасы сапынан Азия чемпионатына қатысатын спортшылар тізімі белгілі болды, деп хабарлайды ҚазАқпарат.

ҚР Ұлттық олимпиада комитетінен мәлім еткендей, құрлықтық біріншілік 19-25 сәуір күндері Моңғолия астанасы Ұланбатырда өтеді.

Азия біріншілігінде ел намысын қорғайтын балуандар тізімі:

50 келі: Айгүл Нұрәлім;

53 келі: Жұлдыз Ешімова;

55 келі: Алтын Шағаева;

57 келі: Нилуфар Райымова;

59 келі: Диана Қайымова;

62 келі: Аяулым Қасымова;

65 келі: Дариға Әбен;

68 келі: Мадина Бақбергенова;

72 келі: Жәмиля Бақбергенова;

76 келі: Гүлмарал Еркебаева.