Құрманғалиев үстел теннисінен жастар арасындағы әлем чемпионатының 1/8 финалына шықты

АСТАНА. KAZINFORM — Үстел теннисінен Қазақстан құрамасының спортшысы Алан Құрманғалиев Хельсингборгтағы (Швеция) жастар арасындағы әлем чемпионатында кезекті мәрте жеңіске жетіп, 1/8 финалға жолдама алды. 

Ұлттық олимпиадалық комитеттің мәліметінше, аталған әлем біріншілігінің алғашқы айналымында Құрманғалиев камерундық спортшы Юлэйн Батиксені қапы қалдырды. 

27 қарашада отандасымыз 1/4 финалға шығу үшін Германия елінің өкілі Андре Бертельсмайермен шеберлік байқасады. 

Айта кетейік, қазақстандық спортшылар арасында әлем чемпионатына Алан ғана жолда алған болатын. 

Бұған дейін қазақстандық теннисшілердің Мысырдағы турнирдің ширек финалына шыққанын жазған едік.