Құс тұмауын жұқтыру қаупі төмен — ДДСҰ

АСТАНА.KAZINFORM — Дүниежүзілік денсаулық сақтау ұйымы (ДДСҰ) халыққа төнген қауіп деңгейі төмен екенін хабарлады.

Бұндай мәлімдеме АҚШ-та құс тұмауын жұқтырған жағдай тіркелгеннен кейін жасалды.

Дүниежүзілік денсаулық сақтау ұйымының өкілі Маргарет Харрис Женевада журналистерге ауру тудыратын H5N1 вирусы адамдар арасында таралмайтынын, құс немесе малмен байланысқан жағдайда болатынын айтты.

— Инфекцияның адамдар арасында кең таралуы тіркелген жоқ, — деді ол.

— Луизианада қайтыс болған науқас 65 жастан асқан және қолда бар мәліметтерге сәйкес, созылмалы аурулардан зардап шеккен, сонымен қатар үй және жабайы құстармен тікелей байланыста болған, — деді Харрис.

Харрис Дүниежүзілік денсаулық сақтау ұйымы құс тұмауынан қоғамға төніп тұрған қауіп жоқ екенін қайталап айтты.

Сонымен қатар, Қытайда адамның метапневмовирусы (hMPV) деп аталатын респираторлық вирустың таралуы да БАҚ-тың назарын аударды. Харрис бұл инфекцияның да елеулі қауіп төндірмейтінін атап өтті.

Бұған дейін Қазақстанның Денсаулық сақтау министрлігі адамның метапневмовирусы көптеген елдерде ондаған жылдар бойы таралып келе жатқан классикалық вирустардың бірі екенін хабарлаған болатын. ЖРВИ және тұмаумен сырқаттанушылықтың маусымдық өсуі кезінде ғарышта белсенді айналымда болатын инфекциялардың басқа түрлерімен қатар Қазақстанда да осы вирустың штамдары анықталды.

Айта кетелік, метапневмовирусқа байланысты Қазақстанда карантин жариялануы мүмкін бе мына сілтемеден оқысаңыз болады.