Күшті жел тұрып, үсік жүреді: Қазақстанның басым бөлігінде дауылды ескерту жарияланды
АСТАНА. KAZINFORM — 24 сәуір күні Қазақстанның 16 өңірі мен Астанада дауылды ескерту жарияланды, деп хабарлайды «Қазгидромет» РМК.
Астана
Түнде топырақ бетінде 1 градусқа дейін үсік жүреді.
Алматы
Күндіз найзағай ойнайды.
Абай облысы
Түнде және күндіз найзағай күтіледі, түнде және таңертең оңтүстікте тұман. Желдің бағыты ауысып, солтүстік-шығыстан соғады, екпіні 15–20 м/с.
Ақмола облысы
Түнде және таңертең оңтүстік пен шығыста тұман түсіп, солтүстік пен шығыста 3 градусқа дейін үсік болады.
Атырау облысы
Батыс, солтүстік және оңтүстікте найзағай ойнайды. Оңтүстік-шығыстан соғатын жел екпіні - 15–20 м/с.
Алматы облысы
Күндіз орталық пен оңтүстікте, таулы аудандарда найзағай ойнайды. Желдің екпіні 15–20 м/с дейін жетеді.
Ақтөбе облысы
Күндіз батыс пен оңтүстікте желдің екпіні - 15–18 м/с.
Шығыс Қазақстан облысы
Түнде және күндіз жаңбыр жауып, найзағай ойнайды, шығыста тұман түседі. Желдің жылдамдығы - 15–20 м/с.
Жамбыл облысы
Күндіз солтүстік пен таулы аудандарда найзағай ойнайды. Таулы аймақтарда тұман түседі, жел екпіні - 15–20 м/с.
Жетісу облысы
Түнде солтүстік пен орталықта найзағай ойнайды, Алакөл көлдері маңында жел екпіні - 25 м/с дейін.
Батыс Қазақстан облысы
Найзағай ойнап, тұман түседі. Жел екпіні - 15–20 м/с.
Қарағанды облысы
Күндіз батыс, оңтүстік және шығыста найзағай ойнайды. Түнде және таңертең тұман түседі. Жел екпіні - 15–20 м/с.
Қостанай облысы
Күндіз найзағай ойнап, түнде оңтүстікте тұман түседі. Солтүстік-шығыста - 1 градус үсік.
Қызылорда облысы
Орталық пен шығыста жоғары өрт қаупі сақталады.
Маңғыстау облысы
Найзағай ойнап, шығыста шаңды дауыл тұрады. Жел екпіні - 15–20 м/с.
Павлодар облысы
Түнде солтүстікте жаңбыр мен қар жауады. Топырақ бетінде 1 градус үсік жүреді. Жел екпіні - 15–20 м/с.
Солтүстік Қазақстан облысы
Жел екпіні - 15–20 м/с, түнде солтүстікте 3 градусқа дейін үсік күтіледі.
Ұлытау облысы
Күндіз найзағай ойнап, жел екпіні - 15–20 м/с дейін жетеді.
Барлық өңір тұрғындарына ауа райына байланысты барынша сақ болуға және алдын ала дайындалуға кеңес беріледі.
