Құтқарушылар Талас өзеніне батып кеткен жасөспірімнің денесін іздеп жатыр - Жамбыл облысы

ТАРАЗ. ҚазАқпарат  -  Байзақ ауданында Талас өзенінде облыстық ТЖД құтқарушылары іздеу жұмыстарын жүргізуде, деп хабарлады «ҚазАқпарат» ХАА тілшісі ведомство баспасөз қызметіне сілтеме жасап.

 «9 сәуірде 21.45-те облыстық ТЖД-ге Байзақ АІІБ-ден 17.30-да Сарыкемер ауылының 13 жастағы тұрғыны Талас өзені жағалауында жүріп, суға батып кеткені жайлы хабарлама түсті», - деді ТЖД баспасөз қызметі.

Іздеу жұмыстарын жүргізу үшін орынға облыстың ТЖД «АҚЖ» ММ ТЖБ, ӨБ-8 сүңгуірлер тобы, аудандық ІІБ қызметкерлері жетті. Іздеуге 30-ға жуық адам, жеті бірлік техника тартылды.

«Кеше іздеу жұмыстары нәтиже бермеді, бүгін 06.00-де іздеу қайта басталды», - деп нақтылады ТЖД.