Күзембаев атындағы шахтада үйінді астында қалған екі кеншіні іздеу жұмыстары жүріп жатыр

ҚАРАҒАНДЫ. Маусымның 24-і. ҚазАқпарат /Валентина Елизарова/ - «АрселорМиттал Теміртау» АҚ көмір департаментінің Күзембаев атындағы шахтасында екі кеншіні іздеу жұмыстары жүріп жатыр.

Бұл туралы ҚазАқпарат тілшісіне телефон арқылы «Көмір» ВАСС-тың бас инженері Геннадий Селинский хабарлады.

Мәлім етілгендей, бүгін түнде Күзембаев атындағы шахтада газ мен көмір массасының кенеттен шығуы орын алған. Төтенше жағдайдың салдарынан екі кенші үйінді астында қалды.

Шахтадағы іздеу-құтқару жұмыстарын кен құтқарушылардың екі отряды жүргізіп жатыр, деп хабарлады ол.