Құжаты жоқ африкалықтар Алматыда заңсыз жұмыс істеп жүрген
АЛМАТЫ. KAZINFORM — Алматы қаласы көші-қон қызметінің мәліметіне сәйкес, Африка елдерінің азаматтары қаланың түрлі нысандарында заңсыз жұмыс істеген.
«Қаланың орталық бөлігінде жергілікті рейд жүргізілді. Барлығы 40 шетелдік ұсталды, оның көпшілігінде жеке басын растайтын құжаттары жоқ. Алдын ала мәлімет бойынша, ұсталғандар — көршілес мемлекеттердің азаматтары, сондай-ақ Африка құрлығындағы елдердің азаматтары. Ұсталғандардың жеке басы толық анықталғанша олар қабылдап-тарату орнына орналастырылды. Оларға қатысты Қазақстан көші-қон заңнамасын бұзғаны туралы материалдар жиналады», — деді Алматы қалалық ПД Көші-қон қызметі басқармасының бастығы, полиция полковнигі Асхат Бутунчинов.
Еске салайық, бұған дейін Алматыда заңсыз жүрген Африка азаматтары депортацияланғанын жазған едік.
Сондай-ақ Алматыда заңсыз курьерлік қызметпен айналысып келген шетел азаматтары ұсталды.
