Қылмыстық заңды ізгілендіру жұмыстары жалғасып жатыр - Павлодар облысының соты

ПАВЛОДАР. 16 желтоқсан. ҚазАқпарат /Вера Ливинцова/ - «Қылмыстық заңды ізгілендіру жұмыстары әрі қарай жалғасып жатыр. Өткен жылмен салыстырғанда бостандығынан айырылған адамдардың саны 41, 4 пайызға төмендеді», - деп атап өтті Павлодар облыстық сотының төрағасы Әуезнұр Қаженов.

Журналистерді облыстық сот қылмыстық, азаматтық, әкімшілік істер жөніндегі жұмыстарының қорытындысымен ақпараттандырды.

11 ай ішінде 42, 5 мың іс қаралған. Бұл өткен жылмен салыстырғанда 1000 іске артық. Олардың 67, 9 пайызы азаматтық іс болып табылады.

Баспасөз конференциясында ҚР Сот кәсіподағының облыстық бөлімшесі ұсынып отырған аймақтың сот жүйесінің тарихы мен ардагер-судьялар туралы кітаптың таныстырылымы болды. Айта кетейік, бұл кітап ҚР Тәуелсіздігінің 20 жылдығына арналып отыр.