Қырғыз-Қазақстан шекарасында қару-жарақ оралған қапшық табылды

АСТАНА. ҚазАқпарат - Қырғыз-Қазақстан шекарасында Талас облысы Чункур өткелі аумағынан шекара жасағы қару-жарақ оралған қапшық тапты. Бұл туралы Кабар Қырғызстан Республикасы мемлекеттік шекара қызметі БАҚ және қоғаммен байланыс бөліміне сілтеме жасап хабарлайды.

Жартастардың арасындағы аңғардан табылған қапшықта 1942 жылы шығарылған бір Мосин карабині және 16 мм тегіс ұңғылы аңшы мылтығы табылды.

Сәйкес құжаттар рәсімделгеннен кейін, қару Қырғызстан ІІМ аумақтық бөлімінің қызметкерлеріне берілді.