Қырғызстанда 3,5 балдық жер сілкінісі тіркелді
БІШКЕК. Кабар-ҚазАқпарат – Қырғызстанның оңтүстігінде Ош пен Баткен маңайында 3,5 балдық жер сілкінісі тіркелді. Бұл туралы Қырғыздың Сейсмология институты мәлімдеді, деп хабарлайды ҚазАқпарат Кабар агенттігіне сілтеме жасап.
Жер асты дүмпуі жергілікті уақытпен 9 наурызда таңғы сағат 05:39-да сезілген. Жер сілкінісінің ошағы Тәжікстан аумағында, Қара-Тейіт ауылының оңтүстік-батысына қарай 38 шақырым, Қарамық ауылының оңтүстік-батысына қарай 40 шақырым, Шибээ ауылының оңтүстік-батысына қарай 48 шақырым (Ош облысы), Баткен ауылының оңтүстік-шығысына қарай 115 шақырым, Оштың оңтүстік-батысына қарай 185 шақырым жерде орналасқан деп нақтыланды.
