Қытай ҚР Премьер-Министрі К.Мәсімовтің сапарын күтуде
«Біз қазіргі уақытта көптеген келісімдерге қол жеткіздік. Өндірістік қуат бойынша биыл 40 млрд. долларға бірлескен жобалар басталды. Бұрын-соңды ешбір елдер арасында болмаған, бұл тек Қазақстан мен Қытай арасында орын алуда. Бұл біздің өзара қарым-қатынасымыздың маңыздылығын білдіреді. Біз жақын арада сіздердің Премьер-Министрлеріңіздің біздің елге ресми сапарын күтудеміз. Біз ол сапарға дайындалудамыз. Аталған сапар барысында біз тағы да жемісті жұмыстар атқарып, бірқатар маңызды құжаттарға қол қоямыз деп жоспарлап отырмыз. Мен бұл соманы 50 млрд. теңгеге дейін көтереміз деп сенемін. Өзге елдер бізге қызыға қарайды», - деп атап өтті ол.
Елші форум барысында екі ел байланысына кедергі келтіретін бірқатар қиындықтарға да тоқтала кетті. Оның ойынша, бірінші кезекте бұл кедергілер виза рәсімдеудің қиыншылықтарына байланысты.
«Маусым айында біз Нұрсұлтан Назарбаевтың бейбіт идеялары форумын өткіздік. Қытай елшілігінің атынан Азия елдерінің ғалымдарын, саяси қайраткерлерін шақырттық. Бірақ виза үшін олардың көбі келе алмады. Біз Камбоджа ханзадасына да шақырту жолдадық. Ол арнайы виза рәсімдеу үшін Бейжіңге келген, алайда сонда да рұқсат ала алмады. Біздің басшылық виза рәсімін жеңілдету бойынша іс-шаралар жоспарын бекітті, дегенмен жағдай әлі оңалған жоқ», - дейді Чжан Ханьхуэй.