Қытайда есірткімен ұсталған 20 жасар қазақ қызына өмір бойы бас бостандығынан айыру туралы шешім шығарды

АЛМАТЫ. ҚазАқпарат - Қытайда есірткімен ұсталған 20 жасар қазақ қызы Ақжарқын Тұрлыбайға қатысты сот үкімі шықты. Бірінші инстанция оны өмір бойы бас бостандығынан айыру туралы шешім шығарды. Бұл туралы қорғаушы Сұңқар Нұрмағамбетов хабарлады.

«Біз бұл шешіммен келіспейміз. Аталған сот үкімінің үстінен апелляциялық шағым түсіреміз», - деді Сұңқар Нұрмағамбетов. Естеріңізге сала кетейік, Қытайға шыққан алғашқы сапарында 20 жастағы қазақстандық бойжеткен Ақжарқын Тұрлыбай 3 наурызда Гуанчжоу әуежайында ұсталған болатын. Оның сөмкесінен қытай полицейлері есірткі тапты. Қорғаушы тарап есірткі заттарын Қытайда Ақжарқынның сөмкесіне біреу салып жіберуі ғажап емес, дейді.