Қытайдың Алматыдағы Бас консулы қазақстандықтарға жеке визалар берудің уақытша тоқтатылуын түсіндірді

АЛМАТЫ. ҚазАқпарат- Бүгін Алматыда өткен арнайы баспасөз мәслихаты барысында Қытай Халық Республикасының Алматыдағы Бас консулы Чжан Вэй қазақстандықтарға жеке визалар берудің уақытша тоқтатылуын түсіндірді.

«Біз бұл сұраққа әлдеқашан түсініктеме бергенбіз. Бұл біздің емес, ҚХР Сыртқы істер министрлігінің құзырлығындағы мәселе. Негізі бұл мәселеде түсініспеушілік, жаңсақтық жоқ. Қытайлық азаматтарға Қазақстанға рұқсатнама алу, қазақстандықтарға Қытайға рұқсатнама алудан да қиын. Бұл әрине, лайықсыз шаралар. Дегенмен, мұны рұқсатнама беру саясатын реттеу шарасы деп атауға болады», - деді Чжан Вэй.

Алайда Бас консул қазақстандықтарға Қытайға жеке виза беру жұмысы қашан басталатындығы әзірге белгісіз екендігін айтты.

«Білмеймін, әзірге белгісіз. Бұл біздің құзырымыздағы, өкілеттігіміздегі мәселе емес», - Чжан Вэй.

Дегенмен, ол топтық визалардың әдеттегідей беріліп жатқандығын еске салды.