Қызылорда облысында балық шаруашылығын дамытуда байыпты бастамалар қолға алынуда

ҚЫЗЫЛОРДА. ҚазАқпарат - Балық шаруашылығы мен балықты өңдеу аймақтың агроөнеркәсіп секторын дамытудың басым бағыттарының бірі саналады.
None
None

Бұл бағытта «Байқоңыр ӘКК» АҚ-ның қатысуымен құрылған «Қызылорда СПК Балық» және «Қаратерең балық» кәсіпорындары балық шаруашылығын дамыту бағытында ауқымды жұмыстар атқарып жатыр, деп хабарлайды облыстық әкімдіктің баспасөз қызметінен.

Мәселен, қазіргі таңда Иіркөл тоған шаруашылығын қалпына келтіру жөніндегі жұмыстар жүргізілу үстінде, ол өз кезегінде облыс орталығын тірі балықпен қамтамасыз етуге мүмкіндік береді.

Арал балық өңдеу зауытын сақтап қалу мақсатында оның 49 пайыз акциясын «Байқоңыр ӘКК» АҚ сатып алды. Осы жылдың ақпан айында «ҚазАгроҚаржы» АҚ-мен зауытты 10 жыл мерзімге (1 млрд. 375 млн. теңге) жалға беру жөнінде келісімшартқа қол қойылды. Айта кетейік, алғашқы жартыжылдықта кәсіпорында 245 тонна дайын өнім шығарылды.

Соңғы жаңалықтар