Қызылорда облысында енесін ұрған келін 30 тәулікке қамалды
ҚЫЗЫЛОРДА. ҚазАқпарат - Қызылорда облысында енесін ұрып-cоққан келін жазаланды, деп хабарлайды ҚазАқпарат тілшісі.
Оқиға Шиелі ауданында болды. Аудандық полиция бөліміне жергілікті азаматтан арыз түсті. Онда қолында тұратын 44 жастағы келіні өзін, ұрып-соққаны айтылған.
«Хабарлама негізінде бөлімнің учаскелік полиция инспекторлары тексеру жұмыстарын жүргізді. Нәтижесінде келіні 70 жастағы енесін ұрып-соққаны анықталды. Келіні з 30 тәулікке қорғауға алынды. Қазіргі күні бұл отбасымен профилактикалық жұмыстар жүргізілуде», - деп мәлім етті Шиелі аудандық полиция бөлімінен.
Еске салсақ, бұдан бұрын Қызылордада қоқыс контейнерінен шала туған баланың денесі табылды.
