Қызылорда облысында инфекциялық және реанимациялық орындар көбейтілді
Өткен жылдан бері Қызылорда облысында 13 826 адам індет жұқтырды. Қазірге дейін 80 пайызы жазылды. Ал пневмониямен сырқаттанған 1 950 науқастың 1 670-і (85,6%) емделіп шықты.
Биылғы жылдың маусым-шілде айларында инфекциялық орын 585-тен 2 340-қа, реанимациялық төсек орын 90-нан 172-ге дейін көбейтілді. Қазіргі таңда 1 860 инфекциялық орын науқастарды қабылдауда. Оның ішінде реанимациялық төсек орын 157. Қазір жүктеме 65 пайызға жеткен. Резерв орын санын қосқанда 3 200 орын әзірленді. Оның 518-і орталықтандырылған оттегімен жабдықталған.
«Өткен жылы құрылысы басталған модульдік стационар жақында іске қосылып, 10 тамыздан бастап науқастарды қабылдауда. Режимді түрде 6 оттегі шығару станциясы (оның 2-і 2020 жылы көпбейінді облыстық және Қазалы ауданаралық ауруханаларында іске қосылды) жұмыс істеп тұр. Дәрі-дәрмек қоры қалыптасқан. Коронавирус инфекциясына қарсы күрес жұмыстарына қажетті медициналық кадрлар мен құрал жабдықтар жеткілікті», - деді облыстық денсаулық сақтау басқармасы басшысының орынбасары Жангелді Шайымбетов.
Өңірде 11 ПТР аппараты іске қосылған. Тәулігіне 1 300-1 500 аралығында сынама алынады. Қажеттілік туындағанда зерттеу санын 3 500-ге дейін жеткізуге мүмкіндік бар.
Еске салсақ, Қызылорда облысында Қызылорда облысында 16 күн ішінде 3 мыңнан астам адам коронавирус жұқтырды.