08:47, 04 Сәуір 2015 | GMT +5
Қызылорда өнерпаздары Алатауға аттанды
ҚЫЗЫЛОРДА. ҚазАқпарат - 6-шы сәуір күні Алматы қаласындағы «Қазақконцерт» залында облыстық Мәдениет, мұрағаттар және құжаттама басқармасы мен облыстық филармонияның ұйымдастыруымен Қазақ хандығының 550 жылдығына арналған «Мәңгілік ел - мәңгілік тарих» атты дәстүрлі орындаушылардың концерті өтеді, деп хабарлады аталған басқарманың баспасөз қызметінен.

Сыр еліне ғана тән 4 жыр мектебінің өкілдері талғампаз көрермен алдындағы тағы да жыр шашуын шашпақ. Кеште Сыр сүлейлерінің ізбасарлары қазақ хандығы заманынан бері мұра болып келе жатқан жырлармен, рухани құнды қазыналардан сыр шертеді.