Қызылордада 21 жастағы жігіт суға кетті

ҚЫЗЫЛОРДА. ҚазАқпарат - Қызылорда облысы Қармақшы ауданына қарасты Дүр Оңғар ауылында 21 жастағы жігіт Сырдария өзеніне суға ағып кетті, деп хабарлайды ҚазАқпарат тілшісі.

Ол өзеннің арнайы белгіленбеген тұсында суға түспек болған. Оның жансыз денесі көп ұзамай сол аумақтан табылып, судан шығарылды.

«Қызылорда облысы аумағында жыл басынан бері 29 адам суға кетті. Оның 12-сі бала. Департамент тарапынан судағы қауіпсіздік жөніндегі рейдтер мен үгіт-насихат жұмыстары тұрақты түрде жүргізіліп келеді. Соған қарамастан суға түсудегі қауіпсіздік шаралары сақтала бермейді. Сондықтан облыс тұрғындарына өздері мен балаларының суға түсу кезінде сақ болуын сұраймыз»,-деді Қызылорда облысы төтенше жағдайлар департаменті бастығының орынбасары Саид Молдақараев.

Бұдан бұрын Аралда тепловоз рельстен шығып кеткенін хабарлаған едік.