Қызылордада 28 қылмыстық топ ұсталды
ҚЫЗЫЛОРДА. ҚазАқпарат - Өткен жылы Қызылордада 167 пәтер ұрлығы қылмысы ашылып, 28 қылмыстық топ қолға түсті, деп хабарлайды ҚазАқпарат тілшісі.
Облыстық полиция департаменті баспасөз қызметінің хабарлауынша, өткен жылдың тек желтоқсан айында облыс орталығында 4 пәтер ұрлығын жасағаны үшін Арал ауданының 2 тұрғыны құрықталды. Сондай-ақ, 5 пәтер ұрлығы мен 2 тонау қылмысын жасағаны үшін Қызылорда қаласының 4-тұрғыны ұсталды. Олар жасаған қылмыстарын толығымен мойындап тергеу абақтысына қамалды.
