Қызылордада 409 483 адам коронавирусқа қарсы вакцина салдырды
ҚЫЗЫЛОРДА. ҚазАқпарат - Қызылорда облысында 409 483 адам коронавирусқа қарсы вакцинаның бірінші компонентімен қамтылды. Бұл - екпе қабылдауға қабілетті тұрғындардың 90,5 пайызы, деп хабарлайды ҚазАқпарат тілшісі.
Айта кету керек, өңір коронавирус инфекциясына қарсы вакцинациялау көрсеткіштері бойынша алғашқы бестікте тұр. Қызылорда облысында 9 желтоқсандағы мәлімет бойынша бірінші компонентпен 409 483 адам (90,5 %) қамтылды, екінші компонент 359 394 адамға (79,4 %) жетті.
Өткен тәулікте коронавирус инфекциясын жұқтырған 7 адам тіркелді. Олардың 5-і Қызылорда қаласында тұрса, ол аудандар бойынша Сырдарияда - 1, Жаңақорғанда - 1 адамды құрайды.
Өткен жылдан бері Қызылорда облысында коронавирус инфекциясын жұқтырған 19 354 науқас тіркелген. Олардың 18 809-ы жазылып шықты.
«Облыста эпидемиологиялық ахуал тұрақты. Дегенмен, сақтық шарасына бей-жай қарауға болмайды. Адам көп шоғырланған орындарда бетперде режимі мен әлеуметтік ара қашықтық сақталуы тиіс. Сондай-ақ, қазір тұмау тарайтын кез. Вирус жұқтырып, иммунитетті әлсіретіп алмау қажет», - деді облыстық санитарлық-эпидемиологиялық бақылау департаменті басшысының орынбасары Әлия Әбдіқайымова.
Еске салсақ, бұған дейін Қызылорда облысында 8 мыңнан астам адам Pfizer вакцинасын салдырды.
