Қызылордада 50-ге жуық көше аты қазақыланды

ҚЫЗЫЛОРДА. ҚазАқпарат-Қызылордада соңғы уақыттары атауы өзгерген көшелердің жалпы саны елуге жуықтайды, деп хабарлады ҚазАқпарат тілшісі қалалық әкімдікке сілтеме жасап.

Халық қалаулылары көшелердің жаңа атауларын бірауыздан мақұлдады. Мәселен, бұдан былай «Сәулет -35» көшесі тікұшақ апатынан қаза болған Төтенше жағдайлар департаменті бастығының орынбасары Қазыбек Төремановтың есімімен аталатын болады.

«Сәулет-8» көшесіне - қарымды қаламгер, мәдениет қайраткері, аймақтың мәдени-ағарту, руханият саласына өзіндік үлес қосқан атпал азамат Оразбек Мақсұтұлының есімі берілді. Сондай-ақ, «Набережная», «Дачная» деген секілді көшелердің барлығы тұлғалардың және қазақы есімдермен аталады.