Қызылордада білім көрмесі ұйымдастырылды

ҚЫЗЫЛОРДА. Маусымның 21-і. ҚазАқпарат /Руслан Игілік/ - Қызылорда қалалық қосымша білім беру және оқу-әдістемелік орталығында «Жас талапкер-2010» атты білім көрмесі өткізілді.

Облыстық ішкі саясат басқармасы мен «Самұрық» инновациялық идея­­­­ларды дамыту орталығы қоғам­дық қорының ұйымдас­ты­руы­мен өткізілген іс-шара­ның бас­ты мақсаты - мектеп бітіруші талапкерлердің бола­шақтағы бағытын айқындауына жол сіл­теу. Болашағына бүгін­нен бас­тау іздеген жастарға 5 жоғары, 10 орта арнаулы, 2 кәсіптік лицей есіктерін айқара ашып, оқу ордалары туралы түсінік­теме берді.

Білім көрмесінде талап­керлер алдағы оқу жылдарында мамандарды даярлау бойынша жоғары және орта арнаулы оқу орындары, сондай-ақ 2010-2011 оқу жылына арналған «Жол картасы» бағдарламасы бағыттары бойынша техника­лық және кәсіптік маман даяр­лаудың мемлекеттік білім тап­сырысы жайынан толық хабар­дар болды. Биылғы жылы атал­мыш бағдарлама аясында 12 орта арнаулы оқу орнына - 1200, ал 12 кәсіптік лицейге - 300 мемлекеттік білім гранты беріліп отыр.

Шараны ұйымдас­ты­ру­шы­лардың айтуынша, алдағы уа­қытта білім көрмесі аудан орта­лықтарында жалғасын табады.