Қызылордада биыл 200 адам коронавирус инфекциясын жұқтырды
2020 жылдан бастап бүгінгі күнге дейін өңірде коронавирус инфекциясын жұқтырудың 19 634 жағдайы тіркелді.
Оның 70% клиникалық белгісімен анықталды.
Облыс қазір эпидахуалды бағалау матрицасы бойынша «жасыл» аймақта тұр.
Дегенмен соңғы жеті күндегі көрсеткіш коронавирустың қайта күш ала бастағанын көрсетті.
Жылдың басынан бері COVID-19 инфекциясына 200 тұрғын шалдықты.
Бұл өткен желтоқсан айындағы барлық тіркелген деректен 28 пайзыға жоғары. Тәуліктік көрсеткіш те 2-3 деректен 40-қа жуық жағдайға дейін көтерілді.
«Өткен тәулікте 37 жағдай есепке алынды. Оның ішінде 14 жасқа дейінгі 7 бала коронавирус жұқтырды. Өңірде эпидахуал күрделене түсті. Оның басты себебінің бірі - азаматтардың сақтық шараларына салғырт қарап, санитариялық-эпидемиологиялық талаптарды орындамауы салдарынан туындады. Аймақта жұқпалылығы жоғары «омикрон» штамының болуы ықтимал деген болжам бар», - деп мәлім етті Қызылорда облысының санитариялық-эпидемиологиялық бақылау депаратментінен.